Che succede oggi?

Corona Virus … passatempi casalinghi 3

Eh niente.. purtroppo continua el el Corona Virus…

Bisogna star in casa…

Non sempre va proprio tutto benissimo …questi infatti xe stadi i miei “passatempi casalinghi” odierni:

  • ‘Iutar mia mama a farghe el bagno
  • Ciorla su co la xe cascada
  • Farghe la foto della botta che la se ga ciapado e mandarghela ala dotoressa
  • Pregar che la dotoressa me ciami
  • Pregar de no dover ‘ndar in Pronto Soccorso che in sto periodo no saria proprio el caso
  • Pianzer cinque minuti e mezo
  • Tirarse su perchè se crollo mi qua xe un cesso
  • Ricever la telefonata tranquilizante dela dotoressa
  • Sentirse dir al telefono da una conoscente “Tuto bene vero Rita?”
  • Volerghe risponder :

“Cretina, assisto mia mama che – per l’amor de Dio xe combattiva all’ennesima potenza e la fa ancora tante robe – ma la ga 91 anni, devo star attenta che no la caschi, la ga una serie de patologie fisiche, un inizio de demenza, son da SOLA e te me dizi “tutto bene?” Come c…o te vol che sia tutto bene??

(altro…)
Di Il Mondo di Rita, fa

Corona Virus…ve zigo!

Eh niente.. purtroppo xe el Corona Virus…

Bisogna star in casa…

Oggi parlemo del triestin medio:

Solitamente el triestin medio no xe che nel DNA ga tuto sta ansia de sport , de solito nel DNA noi gavemo:

– i capuzi co le luganighe e la frasca del osmiza

Se risveiemo una volta l’anno, ovvero per la Bavisela, che desso se ciama Trieste Running o cussì qualcossa

Manifestazion sai bela che de solito se concludi in qualche osmiza a magnar ovi duri e bever vin rosso (che cussì se gavemo perso mezo etto co la corsa dela matina, cola magnada in osmiza de etti ne riguadagnemo quatro e mezzo/cinque)

Ma noi no gavemo pel cul , perchè semo tuti in compagnia e quindi la tristeza la scampa via

Ma el triestin medio sa anche stupirne perchè in tempi decisamente non sospeti xe capace de tirar fora dal proprio DNA – debitamente sconta drio la frasca del osmiza – una irefrenabile voia de correr, de ‘ndar in bici, de far una passeggiata, ma quel che più conta de far sta roba tuti insieme

E sti tempi non sospetti.. xe questi … el tempo del Corona Virus ..

(altro…)
Di Il Mondo di Rita, fa

Corona Virus … passatempi casalinghi 2

Eh niente.. purtroppo xe el Corona Virus…

Bisogna star in casa…

Legio tanti sugerimenti su come passar sto periodo de quarantena, tipo:

  1. Leger qualche bel libro
  2. Meter in ordine
  3. ‘Giustar le scansie
  4. Netar la polvere
  5. Ciamar i parenti
  6. Seguir corsi de crescita personale

Ma xe ancora tante altre robe che se pol far, tipo:

  1. Contar quante foje de rucola xe in t’un scartozo de 100 grammi
  2. Pesar el grana con tutta la scorza
(altro…)
Di Il Mondo di Rita, fa

Corona Virus…passatempi casalinghi 1

Eh niente.. purtroppo xe el Corona Virus…

Bisogna star in casa... come passo le mie giornate… varie possibilità de scelta :

  1. Scoltar i due cani dela famiglia che sta sora de mi, che i cori su e zo per el coridoio (i cani, non la famiglia) e pensar che podaria far la stessa roba anche mi, però senza abbaiar.
  2. Zercar de convincer mia mama (“la Vecia”) che mi son sua fia e no una sua cugina de quando che la iera picia
  3. Uscir stremada dal punto due e ndarse riposar per una mezz’oretta
  4. Pensar che podessi netar la polvere
  5. Pensar che anche se resta la polvere nissun pol vignir in casa a controlar
  6. Esultar dieci minuti e mezo per el punto 5
  7. Pensar a quanto manca per la fine dela zornada
  8. Sconder le scovaze perchè no se pol ndar fora de casa
  9. Pensar a dove ‘sconderle
  10. Sconderle in pergolo
  11. Pensar che se vien bora son ciavada perchè le svolassi via e faria solo che bruta figura
  12. Sconderle soto la sedia che xe in pergolo
  13. Pregar mia mama de star attenta perchè se la casca per tera in sto periodo pol vignir solo che Capitan Harlock a tirarla su
  14. Sentirghe dir “ara che no son mai cascada”
  15. Elencarghe le volte che xe sucesso
  16. Andarse riposar per una mezz’oretta dopo el punto 15
  17. Pensar a quanto manca per la fine dela zornada
  18. Pianzer 5 minuti dopo el punto 17
  19. Ricordarse che fora xe gente che mori e el personale dei ospedai xe distrutto
  20. Pregar per quanto scrito al punto 19 e applaudir el personale che lavora nei ospedai (e in generale tuti quei che ga de ndar lavorar) anche senza ‘ndar in pergolo
  21. Ringraziar perchè che el mio compito xe solo quel de star casa

Alla prossima!

Di Il Mondo di Rita, fa

Eh niente…xe Nadal

Eh niente… xe Nadal

Nadal xe …

  • la festa della famiglia? Ma oggi … cossa vol dir oggi “famiglia”??? E no me interessa se la xe de un “qualche mulin”, se la xe colorada, unisex, plurisex, o sex e basta… , mi me domando “Cossa vol dir oggi famiglia??”
  • la festa dei commercianti? Perchè semo tuti come zurli che zerchemo un regaleto anche per chi ne sta sul cul, ma no se sai mai che magari el me se presenta davanti con una renna de plastica de un centimetro e mezo, almeno che ghe contraccambio con un Babbo Natale de due centimetri e mezo
(altro…)
Di Il Mondo di Rita, fa

DICEMBRE … SI COMINCIA!

Eh niente… xe dicembre

Desso comincierà a raffica, nell’ordine :

  • Last Chrissssmass ai geive iu mai hart ….
  • Marjia Carey che la sarà ibernada dal 1980 e i la scongela el primo dicembre de ogni anno solo per farghe cantar “Oll ai uont for Crismasss is iuuuuuuuuuuuuuuuuuuu …”
  • Mi che vojo meterme in dieta (go sempre avudo una grande abilità per sceglier el momento più adato per cominciar una roba)
  • Mia mama (la “Vecia”) che me implora : “Te ‘ndarà in Ciesa xe vero almeno per Nadal???? Cussì forsi te podessi trovarte un moroso prima che moro”
  • Notoriamente le ciese xe i loghi più consoni per trovar un moroso … iera scrito anche su “Il tuo parroco risponde” noto periodico setimanale che trovo in supercoop ogni volta che vado cior le luganighe de cragno
  • I regali de Nadal … che no so mai a chi ciorghe, chi no li vol, chi inveze li vol, ma solo se i xe de tendenza, ma mi no so gnanca cossa vol dir “de tendenza” e quindi ghe compro ogni anno un per de calze color naturale
  • La contemplazione dei vari gusti de panetoni in supercoop, che dura dai 5 minuti (se me sento osservada) ai 42 minuti e mezzo se nissun me ga pel cul
  • Farghe far un video de auguri de Nadal a mia mama da mandar in giro a tutti i parenti, iniziar con pazienza doman de sera, terminar stremada la sera del 24, dimenticarse de mandarlo e ricordarse del video el pomerigio dele Ceneri
  • Pianzer un momento e decider de salvarse el video per el Nadal del prossimo anno

Alla prossima!

Di Il Mondo di Rita, fa

I xe rivai…

Eh niente, i xe rivai!!

Ma chi xe rivà? I funzionari del’agenzia dele Entrate, i testimoni de Geova la domenica matina, i mati de PoltroneSofà autentica qualità?

No…. i miei zinquanta anni !!!

Adesso me dago un tono e me “vardo indrio” e …. cossa vedo?

Nell’ordine:

  1. El stendibiancheria
  2. El linziol sul divano che me ziga “stirime”
  3. El divano che me ziga “spolverime”

Ma mi me meto i tapi nele orecie e no li go pel cul

E continuo a scriver le mie memorie .. ma cossa scrivo se no me ricordo gnanca cossa go de scriver sula lista dela spesa?

Potrei scrivere che ringrazio i miei nonni, zii, cugini, la mia famiglia perchè io sono anche “tutti loro” , che ringrazio i momenti di vita in cui mi sono venute le lacrime da tanto ridere, e quelli in cui mi sono venute le lacrime e basta.. e proprio tante tante … potrei scrivere che ringrazio chi mi ha aiutato ad asciugarmi le lacrime, chi mi ha dato un fazzoletto senza che glielo chiedessi, e chi invece quelle lacrime me le ha fatte venire….

Potrei scrivere… orpo .. l’ho proprio scritto !!! Ho aperto un pezzo della mia anima e l’ho donato.. eh bon, ma me par che no xe gnanca ‘ndada mal dei ..

Stasera festeggerò anche questo 🙂

Alla prossima!

Di Il Mondo di Rita, fa

Spicchi di memoria

Eh niente, son ‘ndada a far ginastica in acqua

Look scelto per ‘ndar fora de casa… costume de bagno (e fin qua iera facile!), vestitin a fiorelini con spalle nude che fa sempre figo (pazienza se go quazi zinquanta anni e un poco de pelle che me pica), ma el pezo de cui vado più orgogliosa iera……… : calze de spugna bianche rodolade alle caviglie, scarpe de ginastica de mio papà (co ndava a lavorar in orto) imprezioside dale spighete gialo fosforescente che gavevo trovado nel’ovo de Pasqua del 1997 ….

(altro…)
Di Il Mondo di Rita, fa

Temptation Island … i xe tornai …

Niente da far… i xe tornai….

La trasmissione racconta la storia, gli avvenimenti, i sentimenti e il destino di sei coppie chiuse per cinque settimane in un villaggio. Le coppie, (uomini da una parte, donne dall’altra), vengono “tentate” rispettivamente da dodici donne e dodici uomini single

Successivamente, ai membri delle rispettive coppie vengono fatti vedere dei filmati sul rispettivo partner (cioè i te fa veder che el tuo partner fa el mona con un’altra) e farsi un’idea sulle decisioni da prendere nell’ultimo falò (darghe lignade o mandarlo in mona) dove al termine dei 21 giorni essi decideranno se continuare o interrompere la loro storia d’amore

Ma mi ..su certi programmi me resta come delle domande …….:

  • Perchè se decido de partecipar a sto programma pianzo se vedo mio moroso che baza un’altra? E cossa speravo de veder? La Madonna de Monte Grisa a spasso per el Pedocin?
(altro…)
Di Il Mondo di Rita, fa