Eh niente, son ‘ndada a far ginastica in acqua

Look scelto per ‘ndar fora de casa… costume de bagno (e fin qua iera facile!), vestitin a fiorelini con spalle nude che fa sempre figo (pazienza se go quazi zinquanta anni e un poco de pelle che me pica), ma el pezo de cui vado più orgogliosa iera……… : calze de spugna bianche rodolade alle caviglie, scarpe de ginastica de mio papà (co ndava a lavorar in orto) imprezioside dale spighete gialo fosforescente che gavevo trovado nel’ovo de Pasqua del 1997 ….

Gnanca Chiara Ferragni riva far una cagada compagna… solo che i sui outfit costa milionazi e inveze el mio gaverà costa’ si e no 25 euro e 97 centesimi .. faze’ voi …

E sicome no son invidiosa la prossima volta ve farò veder diretamente la foto perchè so che non vedè l’ora de copiarme el look

La intitolerò: “Spicchi di memoria” ovvero … La Jugo anni 70 e i outfit dele gospode”… (per i foresti.. se pronuncia gospogie e vol dir babe)

E dopo ghe la spedirò a Chiara Ferragni che la ghe fazzi pur su un profumetto – a una condizion però: sula fiasca del profumo la doverà meter la foto del confin de Rabuiese –

Se no, che “Spicchi di memoria” saria?????????????

Alla prossima!


0 commenti

Lascia un commento

Il tuo indirizzo email non sarà pubblicato.