Il Mondo di Rita

E, all’improvviso…

E finalmente, mesi dopo quel maledetto Dolore, ti senti decisamente meglio, più leggera, più energica, più vitale!!

E invece….

quasi all’improvviso noti delle piccole avvisaglie alle quali non vuoi farci manco caso, ma tutt’ad un tratto ti esplodono le lacrime in faccia senza un motivo preciso o forse per tanti motivi che tu avevi preferito sotterrare ma, maledetti, loro sono più forti della tua volontà, non hanno freni e quando arrivano spalancano la porta del tuo cuore e te la sbranano!!!

E ti vergogni come una ladra perché Trieste piange un uomo di 53 anni amato da tutti, ma con un sussurro ti dici che il Dolore non ha età e la Solitudine nemmeno

(altro…)
Di Il Mondo di Rita, fa

Facebook e ricerca del lavoro

Eh niente, zerco lavor

Lora su facebook me go iscritto a tutti i vari gruppi “Zerco e offro lavor – vien lavorar de mi che te pago – vien lavorar con mi e dopo per la paga penseremo – lavora con mi che no te dago gnanca un, ecc. ecc…”

Desso go vardado su un de sti gruppi, vedo un post longo come una quaresima e lora speranzosa inizio legger, comincia cussì:

“Ve scrivo con i oci che me se informigola”

Mi me succedi la stessa roba ala panza co magno jota coi capuzi garbi e fora xe 52 gradi

“Ho perso i miei genitori fin dall’infanzia”

Mi inveze go perso mia mamma in marzo, te vol che prego un “l’eterno riposo” unico de venti minuti e mezzo?

Per grazia di Dio ho avuto ricchezza finanziaria

Per grazia de l’Agenzia delle Entrate go paga’ una cartela per dieze anni inveze che venti!

(altro…)
Di Il Mondo di Rita, fa

Viaggi…terza puntata

San Donà di Piave…terza e ultima puntata

…Nel frattempo google maps me continuava a suggerir dove che dovevo ‘ndar e mi lo scoltavo sai ubidiente, ma a un certo punto sula destra vedo che sbuca una ciesa e lora go subito deciso de ‘ndar verso sta ciesa e de mandar in mona google maps

Rivo là de sta ciesa che xe sai cocola, la xe fata in tre tochi, la prima parte xe come la ciesa de Sant’Antonio novo a Trieste, de drio xe una parte più alta in t’un altro color e vizin xe el campanile che xe veramente sai longo e xe sempre del stesso color dela parte più alta

Desso però mi prego tanto Gesù Bambin e tuta la Sua santa combricola, che nissun architetto o storico o guida turistica leggi la mia descrizion dela ciesa, perché se no i se se buta tuti zo del pergolo, o forsi xe sai più probabile che zo del pergolo i me buta a mi…

(altro…)
Di Il Mondo di Rita, fa

Viaggi … seconda puntata

San Donà di Piave – seconda puntata

…Vado via de sto tabachin un poco ‘rabiada e un poco confusa e me incammino su un viale principale, perché so che el viale principale porta sempre da qualche parte.. ma per esser proprio sicura sicura impizo subito google zercando “Cose da vedere a San Donà di Piave” e el cellulare, prontissimo come sempre, el me dizi che ghe xe sicuro qualcossa de veder in via XIII Martiri e mi lo seguo anche se no so gnanca chi che xe sti tredize Martiri

Lungo sto viale ghe xe però un’infinita serie de casette tutte uguali, coi giardinetti tutti uguali, tutte una drio l’altra, e no posso proprio far a meno de pensar: “Ma se qua xe solo che casette col giardinetto, se pol saver cossa magna sta gente?? No xe gnanca una picia boteghetta!!! Se un ghe vien voja de magnarse un panin de cotto caldo col kren dove xe che pol ‘ndar??”

(altro…)
Di Il Mondo di Rita, fa

Viaggi

Eh niente.. dopo quel meraviglioso vasetto che go piturado l’altra domenica, oggi go fato un’altra roba nova

Go deciso che gavessi ciapado el treno e che gavessi passado un pomeriggio in una città cussì, a caso.

Volevo zercar el treno per Caltanissetta ma sicome volevo anche tornar a casa per zena allora go ripiegado su San Donà di Piave/Jesolo che me pareva una sana via de mezzo tra Monfalcon e Caltanissetta che gnanca no so con quante esse che se scrivi sta città

(altro…)
Di Il Mondo di Rita, fa

Passatempi casalinghi

Eh niente, me go messo a far una nova attività casalinga…

Go ciolto un vasetto svodo de vetro, anni fa dentro ghe iera una marmellata o forsi una crema contro i pei incarnidi, ma desso no ga importanza coss che iera dentro perché ve go de contar che :

  • go ciolto sto vasetto,
  • lo go ricoperto col das (che co iero picia lo ciamavo sempre dash e pena verso i 43 anni e mezzo go capido che sta plastilina no podeva gaver el stesso nome del detersivo che dopero per netar le mudande),
  • sora sto das go messo un centrin fato a man nel 1924 dala zia de mia nona con sua sorela più mio zio volte due diviso 4, tira via el numero de persone che xe stade imbroiade da Vanna Marchi nel 1994, e somma i punti dela patente che te xe rimasti,
  • go lassado sugar sto das col centrin del 1924 per tre giorni e tre notti più tre minuti e mezzo,
  • volevo tirar via el centrin ma i tre giorni e tre noti – o forsi i tre minuti e mezzo? – ga sugado tutto talmente ben che el centrin no xe più vignudo via,
(altro…)
Di Il Mondo di Rita, fa

Primo appuntamento

Eh niente..

go fatto el provino per “Primo Appuntamento”

Per chi no savessi, “Primo Appuntamento” xe la trasmission che fa incontrar i singles de tutta Italia, ti te va là, te zeni, e tra un capuzzo e una luganiga de cragno forsi te pol incontrar l’omo più bel del mondo

Oddio, forsi no so se tra un capuzzo e una luganiga visto che la trasmission se fa a Roma, ma mi farò finta de gnente e co me senterò con sto omo, per far subito bela figura ma principalmente per renderme indimenticabile, ghe domanderò immediatamente se el conossi i capuzzi, le luganighe, ma soprattutto el kren

Un altro mio argomento de conversazion – sempre per renderme indimenticabile – podessi esser i pannoloni de mia mama, sicuro sicuro ghe conterò la mejo marca de pannoloni, el prezzo che i ga, e quanto pesa uno co ghe lo metto ma soprattutto … quanto el pesa dopo che ghe lo tiro via

(altro…)
Di Il Mondo di Rita, fa