Eh niente, zerco lavor
Lora su facebook me go iscritto a tutti i vari gruppi “Zerco e offro lavor – vien lavorar de mi che te pago – vien lavorar con mi e dopo per la paga penseremo – lavora con mi che no te dago gnanca un, ecc. ecc…”
Desso go vardado su un de sti gruppi, vedo un post longo come una quaresima e lora speranzosa inizio legger, comincia cussì:
“Ve scrivo con i oci che me se informigola”
Mi me succedi la stessa roba ala panza co magno jota coi capuzi garbi e fora xe 52 gradi
“Ho perso i miei genitori fin dall’infanzia”
Mi inveze go perso mia mamma in marzo, te vol che prego un “l’eterno riposo” unico de venti minuti e mezzo?
Per grazia di Dio ho avuto ricchezza finanziaria
Per grazia de l’Agenzia delle Entrate go paga’ una cartela per dieze anni inveze che venti!
Cinque anni fa ho perso mio marito e il mio figlio in un incidente d’auto
Va russarte el cul in ciesa dei S’ciavoni per trentadue minuti e mezzo, se qualchedun te dizi qualcossa dighe che te fa el provin per un novo reality
Ho un cancro da cinque anni
Russite el cul per una settimana e mezza
Non ho abbastanza tempo per vivere sulla terra
Meno mal, te se immagini quante altre disgrazie che te saria successe???
Non so a chi lasciare la mia eredità, il mio dono vale 780.000 euro
No so a chi lassarghe el mio scovolin del cesso, el valerà sicuro 5 euro e mezzo
Ironizziamo, mi sa che è meglio!
Alla prossima!
0 commenti