Eh niente.. purtroppo continua el Corona Virus…
Bisogna continuar star in casa…
Passatempi casalinghi odierni …puntata numero .. no me ricordo
- Scoprir che no funziona internet
- Pensar “Che bel, starò un giorno intiero senza connession e cussì poderò spolverar el pergolo per ‘ndar cantar ale 6″
- Dopo 5 minuti che go dito sta cagada, prepararse, imbaccucarse con guanti e mascherina che gnanca i Ris de Parma, e correr fora a far la ricarica del computer
- Risciar de cascar per tera dopo el terzo scalin che co la mascherina no vedevo un figo seco
- Pensar de ciamar Telequattro in diretta per domandarghe cossa c’entra la mascherina col non veder i scalini
- Sperar che me rispondi Marco Stabile, rider dal’emozion e cascar davanti al porton
- Tirarse su in furia perchè gavevo anche de far la spesa che mia mama iera senza latte
- Sudazar come una vaca in supercoop con sta mascherina che me fazeva vapor fin nela borseta
- Pensar “Remengo, me go tuta sudà la canotiera, ciaperò rafredor, finirò Catinara e mia mama (“la Vecia” ) ghe tocherà star sola in casa !
- Pianzer 5 minuti davanti la gelateria de Rojan
- Pensar che pitosto che pianzer xe mejo che vado casa e che me cambio la canotiera
- Rivar casa e impizar el computer (dopo gaverse cambiado la canottiera)
- Scoprir che no funziona (el computer, no la canottiera)
- ‘Contar quanto tempo che manca fin le 6, cior el computer e decider de butarlo fora del pergolo
- Scoprir che no xe più nissun che canta per i pergoli
- Pensar che anca sta moda dei pergoli xe finida
- Risolver tuto via telefono col tecnico del computer e ringraziar che i miei problemi in questo periodo xe solo che questi !
Alla prossima!
0 commenti