Eh niente.. ma che cosa vuol dire ASCOLTARE? A voi le mie riflessioni “nascoste” in un ipotetico dialogo…

Rita: Te ga presente quando ti te conti una roba e l’altro te ‘scolta ?

Ascoltatore: No.

Chi dizi de ‘scoltarme solitamente lo fa per due minuti e mezzo e po’ me dizi “ciò, ma te savessi a mi inveze coss che me succedi!!!”

E no, no so, remengo tuo, se volevo saver coss te picava a ti, te lo domandavo direttamente!!!

No stame imbroiar, se te me dizi “ara che te ‘scolto” .. SCOLTIME, no stame interomper dopo un minuto e mezzo per dirme che ti te sta pezo de mi, no stame dir: “coss te vol che sia sta roba, la gente mori de fame e ti te se perdi drio le tue sempiade?”, te gaverà anche ragion, ma ti te son mio amico e perchè no te me ‘scolti co mi go qualcossa che no va? A chi ghe conto se no mi le mie robe? Al specio che go in gabineto?

Mi te ‘scolto a ti e ti te me ‘scolti a mi… ala fine restemo tuti e due insempiai ma semo più legeri e podemo ‘ndar a bever un bicier in serenità (o meno ingropai de prima)

Dovessi esser semplice… perchè no xe cussì????

No xe sempre cussì ma nel mio piccolo mi zerco del far del mio mejo per un picio cambiamento .. no son la sola vero??? 🙂

Alla prossima!


0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *