Eh niente… se procrastina

So praticamente tutto sulla procrastinazione, so perchè la riva, so perchè me fermo, so che no devo combatterla ma che devo accettarla, so che devo parlarghe, so addiritura la nova teoria de l’altro ieri che me consiglia de ‘ndar con ela a magnar una luganiga de cragno de Bepi ‘Sciavo…

Ma siccome vojo diventar sempre più brava sul argomento, ‘desso son indecisa se ordinar per anzianità le canotiere de mio papà (morto nel 2015), opur meterme a vardar el documentario interessantissimo sula vita dele marantighe de Sicjiole

Speta che penso … si xe ‘ncora qualcossa che podessi far… podessi tipo meter man a un mio progetto dei video che dormi in cassetto (non in quel dele canottiere…), un progetto che, anche se probabilmente no me porterà da nissuna parte, però ME FA VIVER e me fa esser contenta de esser su questa terra, me fa esprimer mi stessa al 120% perchè me fa pensar a nuove idee, a come podessi migliorarlo, a come podessi studiar per renderlo più interessante… e anche se el resto dela mia esistenza sicuramente no cambierà, mi gaverò più forza e più energia per viver e penso che, a cascata, questo influirà su tutto el resto.

Eh niente… ‘desso se lavora 🙂

Alla prossima!


0 commenti

Lascia un commento

Il tuo indirizzo email non sarà pubblicato.