Dialogo tra mi e la Vecia (mia mama 90enne)
Argomento: volevo farghe un video per meterlo su internet e gaver tanti followers
Mi: Scolta ….ara che desso te fazo un video col telefonin
Mia mama : No stame far niente perchè no go i denti
Mi: Ma miga che te li ga rotti.. te se li devi solo che ‘ndar cior.
…Alla ricerca dei denti…
Mia mama : Bon desso che me go messo i denti cossa femo?
Mi: Te fazo un video e dopo lo metemo su internet e gaveremo un miliardo e mezzo de visualizzazioni
Mia mama: No go capido gnente
Mi: No sta bazilar .. varda qua e dime qualcossa
Mia mama: Ma chi xe quela vecia?
Mi: Mama .. te son ti!!
Mia mama: Cossa ….cussì bruta son diventada ????
Mi: No stame far pianzer ‘desso che dovemo ‘ndar su internet… varda qua e parla de quel che te vol
La Vecia pensa un momento e la partorissi un’idea…
Mia mama: Me piazessi gaver galine
Mi: E dove le metemo???? In appartamento???
Mia mama : Co iero picia, in campagna una volta la galina ga fato 27 ovi e li go tutti ingrumai
Mi: Se te vol doman vado comprar 27 ovi in supercoop
Mia mama : No xe la stessa roba
Mi: Te vol che pitosto te compro una gallina?
Mia mama : No cori .. te go za ti
Mi: No te me apprezzi gnanca un poco, vado via .. ciau… anzi …
…………………………………. Coccodè !!!!!!!!!!!!
Alla prossima !
0 commenti