Eh niente, go prelevado soldi al bancomat
Cussì la xe ‘ndada…
Digita l’importo: euro 200,00.=
- Bancomat: Ara che te ga prelevado l’altro ieri 100,00.= euro… dove te li ga messi?
- Rita: Mamma??? Anche qua dentro te son??????
- Bancomat: No sempia!!! Son una nova app dela banca per controlar le spese dei clienti
- Rita: Mi no vojo che me controli nissun
- Bancomat: Tropo tardi, te ga za firmado
- Rita: Quando?
- Bancomat: Quando iera el rebechin in banca per Nadal e i te fa fato firmar conzandote una feta de paneton in man
- Rita: Remengo! Li denuncierò
- Bancomat: Per cossa?? Che i te ga spiegado tuto ma ti te se vergognavi de dir che no te gavevi capido un klinz….
- Rita : Uff… te ga ragion.. bon dei, dame sti dozento euro
- Bancomat: Dime prima dove che te ga messo i cento che te go dado l’altro giorno!!!!!
- Rita: Li go spesi dala dietologa
- Bancomat: No te credo
- Rita: Ma te son sicuro de no esser mia mama?????
- Bancomat: Lassa star quela povera Vecia
- Rita: Uff.. bon … go comprado dodize panetoni in offerta e ventidue pandori
- Bancomat: Ma coss te son mata???
- Rita: Ma iera in offerta.. ga convegnu’!!
- Bancomat: No te capissi proprio un klinz
- Rita: Ok go capido .. qua dentro no xe solo mia mama… xe anca mio papà, vado via
- Bancomat: Se te resti te dago 50,00.= euro
- Rita: Ara che mi go una dignità……dame 52 euri e mezo.
- Bancomat: ciapa sessanta e no tornar prima de dieze giorni
- Rita: te denuncio ai nostri politici, ghe digo che te son el bancomat de via Carducci….
- Bancomat: pecà che semo in via Dante …
- Rita: vado domandarghe soldi a mia mama.. me sa che fazo prima..
- Bancomat: Ecco brava! E dopo va dela dietologa !!!!!!!!!!
Alla prossima!
0 commenti