Per tutti quanti: cossa ne succederà nel 2019 … go vardà le stelle dal mio pergolo e questo xe el risultato
Ariete: Giove e Venere che i se magna una luganiga de cragno da Bepi S’ciavo i ghe fara’ far una rotazione de 180 gradi ai pianeti, sta rotazion sara’ la causa de un grande cambiamento mondiale: i vegetariani diventera’ carnivori, i carnivori volera’ magnar solo che foi de carta formato a4, i cinesi comprera’ Bepi S’sciavo e i ghe fara’ una cartoleria.
Toro: Saturno, Plutone e mia zia de San Luigi i ve dara’ finalmente la chiarezza che volevi dal 1947 … se grassi ….e se no la fini’ de magnar capuzi e luganighe tre volte al giorno no dimagrire’ gnanca se preghe’ la Madona de Monrupino
Gemelli : iniziere’ el 2019 sentendovi piu’ leggeri .. ve vegnera’ la diarea che ve durera’ fin la befana … el giorno dela befana ve sentire’ talmente legeri che svolere’ su per el teto e finire’ dentro el supercoop e comprere’ dieze chili de luganighe e 12 panetoni in oferta.. ndare’ a casa e magnere’ tutto .. ve vegnera’ la diarea e ricomincere’ tuta la solfa
Cancro: ocio a Saturno e Plutone che i xe in opposizione con mia zia de San Luigi … mia zia e le sue tecie de capuzi e luganighe vinzera’ .. la ve invitera’ a casa sua .. siccome la ve vedera’ magri .. la ve serera’ in cuzina fin al 2057 e dovere’ magnar dodize pignate de crauti .. e quindi… ve vegnera’ la diarea ..
Leone: i vostri rapporti saranno piu’ irruenti che mai … fare’ baruffa coi carnivori che magna i foi de carta formato a4, ghe li scondere’ e ghe conzere’ solo quei in formato a3, ‘ndare’ del novo Bepi S’ciavo che xe diventa’ una cartoleria cinese zigando “Vojo una luganiga de cragno”, i cinesi no i capira’ un klinz e i ve conzera’ una risma de foj a4, voi li ringraziare’ dizendo “qvala lepa” e dala fame nera li magnere’ tutti… e quindi …ve vegnerà la diarrea in piazza della Borsa..
Vergine: il 2019 vuole vedervi sorridere … per la befana ve imbriaghere’… caschere’ sul calorifero e ve partira’ tre denti davanti … becare’ giro de aria e ciapere’ rafredor … ve ciolere’ aspirina ma la gave’ a casa dal 1947 e quindi .. ve vegnera’ la diarrea… ma non in piazza della Borsa
Bilancia: con ste feste .. la go butada via
Scorpione : sensibili ai disastri ambientali, al riscaldamento globale e ai carnivori che magna i foj a4, nel 2019 de colpo ciapere’ una grande decisione: ghe scondere’ ai carnivori i foj de carta e li sostituire’ con i punti della cucitrice
Sagittario : Giove e Saturno i xe in congiunzion astrale per 12 minuti e mezzo con i novi titolari de Bepi S’ciavo .. se imbroche’ sta congiunzion .. de Bepi S’ciavo rivere’ magnar ancora una luganiga de cragno .. no gave’ colto l’attimo? I ve conzera’ el disegno dela luganiga sul fojo a4
Capricorno: la congiunzion de Venere e Saturno che tromba come camini ve fara’ la grazia … e finalmente anche voi ve cavere’ le ragnatele …si .. quele dela cantina
Acquario : Giove in Scorpione, Uranio in Venere, Saturno in Cancro, mia mia mamma in ospedal e mia zia in casa de riposo …i ve porta tutti a un’unica grande verita’ .. de Bepi S’ciavo no se magna più luganighe de cragno .. ma solo che punti dela cucitrice
Pesci: i nati sotto questo segno i xe governai dai alberi de Nadal de piazza Unità.. infati cari Pesci, el richiamo del Nadal ve perseguiterà per tutto el 2019 e ogni volta che ‘ndarè al Pedocin sentirè el forte bisogno interiore de cantar “Jingle Bells” per dodici minuti e mezzo.. le vecie che xe là, ve meterà le lucette e le ve darà fogo .. e voi continuerè a cantar
0 commenti