Lockdown

Eh niente, se torna in lockdown

Spesa come se no ghe fossi un domani: fatta

Amuchina come se dovessi disinfettar no so cossa fin al 2022: comprada

Mascherine FFP2, 1, zero, buon anno, buon anno un klinz! : le go

Lievito: gnanca pel cul

Go comprado tuto za mercoledì che gavevo paura che se fazevo la spesa sabato, gavessi dovudo meterme in fila ale 6 de matina, proprio come che se fa co se vol cior la frigitrice in oferta al Lidl

Ghe go dito a mia mama che dovemo star casa de novo, e ela me ga risposto: “Meno mal che xe anche nonna con noi”.

E lora un dubio grande come un mussato nelle notti d’estate, me se ga insinuado nei pei, ovvero : ghe digo che nonna xe morta nel 1959 o inveze ghe digo “Si ciò, che bel ara che la xe anche ela con noi”?

Meno mal che ga squilado el telefono, e lora la me ga dito: “Vado risponder mi, che sarà sicuro mio papà

Pensando che mio nonno dovessi gaver più o meno 134 anni, go fato un scatto che gnanca Mennea dei tempi d’oro rivava far compagno, e al telefono son ‘ndada risponder mi

Iera una baba de un call center del’Albania che voleva parlarme del’energia elettrica, ma la go blocada subito dizendo che mi parlo solo con mio nonno che xe morto nel 1964, quindi no la pol pretender che parlo con ela, ma casomai solo con sua bisnonna …

Chi gavessi mai dito…?

La ga dito un nosocossa.. forsi la me ga mandà remengo in albanese, la me ga serado el telefono in faccia…ma soprattutto…

No la me ga gnanca passado la bisnonna!!

Alla prossima!