Corona Virus e passatempi casalinghi … continua

Passatempi casalinghi odierni

Puntata… si, xe ancora una puntata

  1. Domandarse perché in sti ultimi giorni, su facebook, le persone xe cussì interessade a contar i triangoli
  1. Cascarghe anche mi e zercar de ricordarse la differenza tra triangolo isoscele e scaleno cussì forsi rivo veder più triangoli dei altri
  1. Sceglier de ricordarse pitosto la differenza tra le luganighe de cragno e quele de viena
  1. Far un triangolo con due confezioni de luganighe de cragno e contar quanti triangoli che vien fora
(altro…)

Corona Virus … pensieri e collaborazioni varie

In questo periodo mi è stata tolta la mia libertà individuale, la libertà di fare una passeggiata, c’è l’hanno con i runners, la libertà me l’ha tolta il potere, che mi impone di rimanere a casa …

La libertà individuale cade se gli ospedali esplodono, la libertà individuale cade se il personale ospedaliero non sa più che faccia ha la propria famiglia, se non sa come dire ai pazienti che devono morire da soli, che non possono vedere nessuno dei loro cari

Cara Rita,

facciamo turni massacranti, con dispositivi di protezione inadeguati o insufficienti, con il terrore non tanto di essere contagiati ma di contagiare perché i tamponi per gli operatori sono partiti tardi.

Non riconosco più il mio pronto soccorso né il mio ospedale .

Le persone spesso sono terrorizzate, ho visto nonni che aiutavo a respirare e il giorno dopo non c’erano più.

Ho trasferito persone direttamente dalla loro casa agli infettivi…non so se hanno fatto ritorno.

.. E’ tutto surreale …

pensare che molti vedono per ultimo i nostri volti e non quello dei loro cari

(altro…)

Corona Virus e passatempi casalinghi Puntata numero… no me ricordo

Eh niente.. purtroppo continua el Corona Virus…

Bisogna continuar star in casa…

Passatempi casalinghi odierni …puntata numero .. no me ricordo

  1. Scoprir che no funziona internet
  2. Pensar “Che bel, starò un giorno intiero senza connession e cussì poderò spolverar el pergolo per ‘ndar cantar ale 6″
  3. Dopo 5 minuti che go dito sta cagada, prepararse, imbaccucarse con guanti e mascherina che gnanca i Ris de Parma, e correr fora a far la ricarica del computer
  4. Risciar de cascar per tera dopo el terzo scalin che co la mascherina no vedevo un figo seco
  5. Pensar de ciamar Telequattro in diretta per domandarghe cossa c’entra la mascherina col non veder i scalini
  6. Sperar che me rispondi Marco Stabile, rider dal’emozion e cascar davanti al porton
(altro…)

Corona Virus…passatempi casalinghi 4

Eh niente.. purtroppo continua el Corona Virus…

Bisogna continuar star in casa…

Passatempi casalinghi odierni

  1. Scoltar angosciada el casin che fa quei sora de mi, pensar che se i se copa e se i me intervista quei de “Quarto Grado” go i cavei pezo che quei de Gildo (noto personaggio folkloristico triestino)
  2. ‘Ndarse a dar una petinada
  3. Incastrar el petine nei rizi e decider che se i me intervista quei de “Quarto Grado” me coverzerò i cavei con la più bela straza de piati che go in corredo
  4. Rider come una sempia per sta decision
  5. Sentirse ciapar improvisamente da una smania per netar el frigidaire
  6. Preocuparse e ‘ndarse butar sul divano sperando che passi
(altro…)

Corona Virus … passatempi casalinghi 3

Eh niente.. purtroppo continua el el Corona Virus…

Bisogna star in casa…

Non sempre va proprio tutto benissimo …questi infatti xe stadi i miei “passatempi casalinghi” odierni:

  • ‘Iutar mia mama a farghe el bagno
  • Ciorla su co la xe cascada
  • Farghe la foto della botta che la se ga ciapado e mandarghela ala dotoressa
  • Pregar che la dotoressa me ciami
  • Pregar de no dover ‘ndar in Pronto Soccorso che in sto periodo no saria proprio el caso
  • Pianzer cinque minuti e mezo
  • Tirarse su perchè se crollo mi qua xe un cesso
  • Ricever la telefonata tranquilizante dela dotoressa
  • Sentirse dir al telefono da una conoscente “Tuto bene vero Rita?”
  • Volerghe risponder :

Cretina, assisto mia mama che – per l’amor de Dio xe combattiva all’ennesima potenza e la fa ancora tante robe – ma la ga 91 anni, devo star attenta che no la caschi, la ga una serie de patologie fisiche, un inizio de demenza, son da SOLA e te me dizi “tutto bene?” Come c…o te vol che sia tutto bene??

(altro…)

Corona Virus…ve zigo!

Eh niente.. purtroppo xe el Corona Virus…

Bisogna star in casa…

Oggi parlemo del triestin medio:

Solitamente el triestin medio no xe che nel DNA ga tuto sta ansia de sport , de solito nel DNA noi gavemo:

i capuzi co le luganighe e la frasca del osmiza

Se risveiemo una volta l’anno, ovvero per la Bavisela, che desso se ciama Trieste Running o cussì qualcossa

Manifestazion sai bela che de solito se concludi in qualche osmiza a magnar ovi duri e bever vin rosso (che cussì se gavemo perso mezo etto co la corsa dela matina, cola magnada in osmiza de etti ne riguadagnemo quatro e mezzo/cinque)

Ma noi no gavemo pel cul , perchè semo tuti in compagnia e quindi la tristeza la scampa via

Ma el triestin medio sa anche stupirne perchè in tempi decisamente non sospeti xe capace de tirar fora dal proprio DNA – debitamente sconta drio la frasca del osmiza – una irefrenabile voia de correr, de ‘ndar in bici, de far una passeggiata, ma quel che più conta de far sta roba tuti insieme

E sti tempi non sospetti.. xe questi … el tempo del Corona Virus ..

(altro…)

Corona Virus … passatempi casalinghi 2

Eh niente.. purtroppo xe el Corona Virus…

Bisogna star in casa…

Legio tanti sugerimenti su come passar sto periodo de quarantena, tipo:

  1. Leger qualche bel libro
  2. Meter in ordine
  3. ‘Giustar le scansie
  4. Netar la polvere
  5. Ciamar i parenti
  6. Seguir corsi de crescita personale

Ma xe ancora tante altre robe che se pol far, tipo:

  1. Contar quante foje de rucola xe in t’un scartozo de 100 grammi
  2. Pesar el grana con tutta la scorza
(altro…)

Corona Virus…passatempi casalinghi 1

Eh niente.. purtroppo xe el Corona Virus…

Bisogna star in casa... come passo le mie giornate… varie possibilità de scelta :

  1. Scoltar i due cani dela famiglia che sta sora de mi, che i cori su e zo per el coridoio (i cani, non la famiglia) e pensar che podaria far la stessa roba anche mi, però senza abbaiar.
  2. Zercar de convincer mia mama (“la Vecia”) che mi son sua fia e no una sua cugina de quando che la iera picia
  3. Uscir stremada dal punto due e ndarse riposar per una mezz’oretta
  4. Pensar che podessi netar la polvere
  5. Pensar che anche se resta la polvere nissun pol vignir in casa a controlar
  6. Esultar dieci minuti e mezo per el punto 5
  7. Pensar a quanto manca per la fine dela zornada
  8. Sconder le scovaze perchè no se pol ndar fora de casa
  9. Pensar a dove ‘sconderle
  10. Sconderle in pergolo
  11. Pensar che se vien bora son ciavada perchè le svolassi via e faria solo che bruta figura
  12. Sconderle soto la sedia che xe in pergolo
  13. Pregar mia mama de star attenta perchè se la casca per tera in sto periodo pol vignir solo che Capitan Harlock a tirarla su
  14. Sentirghe dir “ara che no son mai cascada
  15. Elencarghe le volte che xe sucesso
  16. Andarse riposar per una mezz’oretta dopo el punto 15
  17. Pensar a quanto manca per la fine dela zornada
  18. Pianzer 5 minuti dopo el punto 17
  19. Ricordarse che fora xe gente che mori e el personale dei ospedai xe distrutto
  20. Pregar per quanto scrito al punto 19 e applaudir el personale che lavora nei ospedai (e in generale tuti quei che ga de ndar lavorar) anche senza ‘ndar in pergolo
  21. Ringraziar perchè che el mio compito xe solo quel de star casa

Alla prossima!